మోషే సుఖోపవాస ధ్యానములు -నిర్గమ 1

1 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 |

ప్రార్థన: ప్రభువా! మేము ఏ కష్ట స్థితిలో ఉన్నను, మీ వాగ్ధానమును బట్టి నిత్యము మమ్మును బలపరచి, స్థిరపర్చమని వేడుకొనుచున్నాము పరమ తండ్రీ! ఆమేన్.

పరిచయము

దేవుడు సృష్టించిన భూమ్యాకాశములకు స్వాతంత్ర్యము లేదు, ఆయన చెప్పినట్లు ఇప్పటికీ నడుచుకొనుచున్నవి. అయితే దేవుడిచ్చిన స్వాతంత్ర్యమును దుర్వినియోగపరుస్తూ జనాంగములు దేవుని విడిచి చెడుకార్యములు అభ్యసించుటవలన, జనుల పాపము అధికమగుటవలన ఆయాజనాంగములు కొట్టివేయబడెను. హాము సంతానమైన అమోరీయుల పాపము అధికమాయెను గనుక షేము సంతానమైన ఇశ్రాయెలీయుల చేతికి కానానును అప్పగించు సమయము ఆసన్నమైనది. సృష్టికంటే ఒక జనాంగమును నిర్మించు పని గొప్ప భారమైనది. ప్రభువు వాగ్ధానము(ఆది 9:25-29; 15:16-21) చేసిన జనాంగము ఐగుప్తులో నిర్మించబడి, ఫలించి, అభివృద్ధి పొందినది. Jocob's ladder

కరువువల్ల మొత్తం ఐగుప్తు నాశనమైపోబోతున్న సమయములో దేవుడు యోసేపు ద్వారా ఐగుప్తును రక్షించడమే కాకుండ ప్రపంచం ఎదుర్కొనబోవు కరువు కలిగిన దేశములకు తిను ధాన్యములు సరఫరా చేయగలినంత సమృద్ధిని యోసేపు ఫరో రాజ్యమునకు కల్పించెను. ఐగుప్తు రాజు మరియు దేశప్రజలు విస్తారముగా భోగైశ్వర్యములను పొందిరి కాని యోసేపు తరము గడచిన తర్వాత కనీస కృతజ్ఞత లేకుండా ఇశ్రాయేలు పట్ల కౄరముగా ప్రవర్తించిరి.

అయితే దేవుడు ఇశ్రాయేలీయులను ఐగుప్తునకు భయము కలుగునంతగా ఆశీర్వదించెను. ఒక్క దైవజనుడైన యోసేపు ఐగుప్తును కాపాడడమే కాకుండా ప్రపంచ దేశములు మహా కరువునుండి రక్షింపబడుటకు కారణమైతే అంతమంది దేవుని పిల్లలు ఉండగా మరి దేనికిని భయపడనవసరము లేదు. కాని ఆ ఫరోకు, జనులకు ఒక భయము పట్టినది. ప్రపంచమునకు తలమానికములైన కట్టడములను నిర్మించి ఐగుప్తునకు పేరు తీసుకొనివస్తున్న హెబ్రీయులు దేశము విడిచి పోవుదురేమో అనే అంధోళన రోజురోజుకు ఎక్కువైనది. చివరకు వారి అభివృద్ధిని నాశనము చేయలేక సంతానమును చంపబూనుకొనిరి. ఐగుప్తు ప్రజలు తమకు కలిగిన ఐశ్వర్యముతో ఆనందింపక, ఆంధోళనలో చిక్కుకొనిరి. (వాస్తవానికి ఐగుప్తు శత్రువులతో ఇశ్రాయేలీయులు యుద్దముచేసి గెల్చి ఐగుప్తును భయంకరమైన పాపకూపము నుండి రక్షించిరి).

జీవమైయున్న యేసుక్రీస్తు ప్రభువు యొక్క సువార్త ఎక్కడకు వ్యాపించినదో అక్కడి జనులు బహుగా ఫలించి, విస్తరించి అభివృద్ధి పొందిరి. ప్రపంచ దేశములలో ప్రభువు శిష్యులు తమ సేవలను అందించి, అనేక జబ్బులను, జాడ్యములను, అంతర్యుద్ధములను నివారించుట ద్వారా ఆయా దేశ జనాభా 15 నుండి 20 రెట్లు అధికమాయెను.

సత్యము, ప్రేమ, జీవముల ఉనికిపట్టు ఎక్కడ ఉండునో అక్కడ స్వాతంత్ర్యము, శాంతి, సమాధానములుండును.

జూలై 1 నుండి ఆగస్టు 9 వరకు ప్రతిరోజు నిర్గమకాండములో ఒక అద్యాయమునందు గల విశేషములు ధ్యానించుటకు ప్రభువు కృప దయచేయును గాక! ఆగస్టు 10వ తేదీన తైలాభిషేక పండుగ.

Social Presence Facebook G+ Twitter

Share your thoughts and suggestions

  • Like this page on Facebook

  • Tweet this page on Twitter

  • Recommend this website on Google +